24.02.2026 Новости
ЛОЙКІ, ГРОДЗЕНСКІ РАЁН. Напярэдадні Міжнароднага дня роднай мовы вядомыя гродзенскія пісьменніцы правялі шэраг незабыўных творчых сустрэч са школьнікамі аднаго з аграгарадкоў Прынёмання.
18 лютага ў Лойкаўскай сярэдняй школе адбылася творчая сустрэча з пісьменніцамі Гродзеншчыны: старшынёй Гродзенскага абласнога аддзялення Саюза пісьменнікаў Беларусі, паэтэсай, празаікам Людмілай Антонаўнай Кебіч і дзіцячай пісьменніцай, членам СПБ Ганнай Іосіфаўнай Скаржынская-Савіцкай.
Гэта ўжо стала добрай традыцыяй у Лойках у рамках Тыдня роднай мовы. Падчас сустрэчы шаноўныя госці прэзентавалі свае новыя творы, дзяліліся яркімі старонкамі жыцця і творчай біяграфіі.
Прысутных на сустрэчы цікавіла ўсё: любімая кніга пісьменніц у дзяцінстве, адкуль яны чэрпаюць натхненне для напісання новых твораў, якія рысы характару цэняць у людзях. У зале гучалі словы роднай мовы, чыталіся вершы ў выкананні паэтэс, а таксама вучняў школы. Сустрэча з пісьменніцамі прынесла шмат станоўчых эмоцый. Напрыканцы сустрэчы адбылася аўтограф-сесія з набыццём кніг.
Сустрэча юнакоў з таленавітымі творцамі і іх мастацкім словам адышла ў гісторыю, але пакінула нямала святла і цеплыні ў дзіцячых сэрцах.
САЮЗ ПІСЬМЕННІКАЎ БЕЛАРУСІ
Гродзенскае абласное аддзяленне
Больше новостей читайте в нашем телеграм-канале Союз писателей Беларуси