25.11.2025 Новости
1. Чарговы конкурс праводзіцца Саюзам пісьменнікаў Беларусі, прысвячаецца вядомаму паэту і перакладчыку, лаўрэату літаратурнай прэміі імя Аркадзя Куляшова, прэміі Федэрацыі прафсаюзаў Беларусі, Спецыяльнай прэміі Прэзідэнта Рэспублікі Беларусь дзеячам культуры і мастацтва, Нацыянальнай літаратурнай прэміі Мікалаю Аляксандравічу Маляўку, з’яўляецца штогоднім і прымеркаваны да Міжнароднага дня роднай мовы.
2. Мэта конкурсу: выяўленне і падтрымка новых маладых талентаў.
3. У конкурсе могуць прымаць удзел маладыя паэты ва ўзросце да 25 гадоў, якія дасылаюць тры свае вершы на беларускай мове.
4. Тэматыка – самая розная: Радзіма, родны край, мова, мір, сяброўства, стваральная праца, маці, прырода, супрацоўніцтва, каханне.
5. Творы дасылаюцца на адрас: г. Мінск, вул Фрунзэ, д. 5, 220034, Саюз пісьменнікаў Беларусі (каб 308) або на электронны адрас: mgo-oo-spb@mail.ru (з пазнакай – на конкурс імя Міколы Маляўкі).
6. Канкурсанты ўказваюць сваё прозвішча, імя і імя па бацьку, дату нараджэння, адрас, тэлефоны для сувязі.
7. Творы прымаюцца штогод з 1 мая да канца каляндарнага года.
8. Урачыстае падвядзенне вынікаў конкурсу 2025 года адбудзецца 21 лютага ў Міжнародны дзень роднай мовы, дзе лаўрэаты атрымаюць дыпломы і падарункі, а таксама выступяць са сваімі вершамі.
Лепшыя творы будуць прапанаваны да друку.
Старшыня ГА
“Саюз пісьменнікаў Беларусі” А. М. Карлюкевіч
Больше новостей читайте в нашем телеграм-канале Союз писателей Беларуси