03.08.2025 Новости
Паважаныя сябры, увага! Да ХХХІІ Дня беларускага пісьменства Гродзенскае абласное аддзяленне Саюза пісьменнікаў Беларусі абвясціла конкурс на лепшы зборнік сучаснай паэзіі Беларусі імя паэта-барацьбіта Валянціна Таўлая пад назвай «Шляхі, пракладзеныя ў заўтра».
У ходзе конкурсу мы атрымалі больш за паўсотні цудоўных аўтарскіх выданняў з усіх рэгіёнаў Беларусі. Перад намі паўстала змястоўная і яркая панарама мастацтва айчыннага паэтычнага слова. Паведамляем вам, што вынікі творчага спаборніцтва падведезны. Яны выглядаюць наступным чынам:
3 месца – Ірына ЗАХАРАВА (Мінск) за кнігу «Мне солнце душу обожгло».
3 месца – Вольга СЕЛІЦКАЯ (Мінск) за кнігу «Есть».
2 месца – Генрых ТАРАСЕВІЧ (Мінск) за кнігу «Прасцяг».
2 месца – Людміла ШАЎЧЭНКА (Гродна) за кнігу «Откровение».
1 месца – Віктар ШНІП (Мінск) за кнігу «Адзінокае дрэва нябёс».
1 месца – Аляксандр МАРОЗАЎ (Астравецкі раён) за кнігу «Страна, в которой я живу».
Гран-пры – Таццяна ЯЦУК (Баранавічы) за кнігу «Прага цішыні».
У сувязі з тым, што на конкурс даслана нямала годных паэтычных выданняў на беларускай і рускай мовах, якія проста нельга было абысці ўвагай, прынята рашэнне ўзнагародзіць шэраг аўтараў-канкурсантаў спецыяльнымі дыпломамі Саюза пісьменнікаў Беларусі. Вось гэтыя дыпламанты:
Вольга АЛІЗАР (Гродна) за кнігу «У імя Перамогі»;
Надзея САЛОДКАЯ (Полацк) за кнігу «Свят-вадзіца»;
Марына ТРУШЫНА (Паставы) за кнігу «Мне говорили…»;
Наталля КАНДРАШУК (Кобрын) за кнігу «Рифмуя душу»;
Алена БЕЛЬСКАЯ (Маладзечна) за кнігу «Примерила счастье»;
Алена КОТАВА (Пружаны) за кнігу «Да бацькоў»;
Тамара КАВАЛЬЧУК (Асіповічы, Мінск) за кнігу «Усё, што люблю»;
Руслан ПІВАВАРАЎ (Ліда) за кнігу «Беседа»;
Наталля САВЕТНАЯ (Гарадок, Мінск) за кнігу «Солнечные грошики»;
Вольга НОРЫНА (Мінск) за кнігу «Сосновая иголка».
Да ўвагі пераможцаў! Просім усіх пералічаных вышэй аўтараў з’явіцца 7 верасня па адрасе: горад Ліда, вуліца Замкавая, 7 у Дом-музей Валянціна Таўлая для ўрачыстага ўзнагароджання. Пачатак цырымоніі ў 13.00.
Дарагія калегі! Мы вельмі ўзрушаныя тым, з якім энтузіязмам вы паставіліся да нашага конкурсу, якія сардэчныя і арыгінальныя надпісы пакінулі на кнігах для гродзенскіх бібліятэк. Гэта ваш агульны, вялікі ўнёсак у напісанне чарговай важкай главы ў гісторыю айчыннай літаратуры. Усе атрыманыя на конкурс кнігі зоймуць пачэснае месца ў фондах Гродзенскай абласной навуковай бібліятэкі імя Яўхіма Карскага, якая ў хуткім часе адзначыць 195-годдзе з дня свайго заснавання, і Цэнтральнай гарадской бібліятэкі г. Гродна імя Андрэя Макаёнка. Наш конкурс, які насіў імя славутага прынёманскага паэта-барацьбіта за шчасце і адзінства Беларусі Валянціна Таўлая, дазволіць аматарам літаратуры Гродзенскай вобласці бліжэй пазнаёміцца са светам сучаснай айчыннай паэзіі. З вашай дапамогай мы разам праклалі шляхі ў заўтра. Мы ўпэўненыя ў тым, што дзякуючы нашай еднасці і духоўнай роднасці яно будзе светлым.
САЮЗ ПІСЬМЕННІКАЎ БЕЛАРУСІ
Гродзенскае абласное аддзяленне
Больше новостей читайте в нашем телеграм-канале Союз писателей Беларуси