16.10.2024 Новости
14 кастрычніка ў сталічнай бібліятэцы № 7 адбылося літаратурна-музычнае мерапрыемства, прымеркаванае да Дня Маці.
Літаратары, члены Саюза пісьменнікаў Беларусі Рагнед Малахоўскі, Міхась Кенька, Таісія Трафімава, Уладзімір Тулінаў, Іна Фралова і Алена Шчарбакова падзяліліся шчымлівымі ўспамінамі пра родную, дарагую, адзіную, чыталі вершы, выконвалі песні.
З інструментальнымі нумарамі выступілі вучні і настаўнікі музычнай школы № 3 імя Шапэна. Цудоўнае гучанне цымбал расчуліла слухачоў.
У бліскучым выкананні паэтычнага тэатра “Рытмы сэрца”, што працуе пры БДУІРы, прагучала вершаваная падборка вядомых беларускіх аўтараў – Аляксея Пысіна, Алеся Пісьмянкова, Анатоля Сербантовіча, Міколы Маляўкі і Алеся Бачылы.
Правяла і падрыхтавала мерапрыемства пісьменніца Іна Фралова.
Ірына Шыліна
Больше новостей читайте в нашем телеграм-канале Союз писателей Беларуси