07.07.2023 Новости
Ужо не першы год пры Дзяржаўнай установе “Тэрытарыяльны цэнтр сацыяльнага абслугоўвання насельніцтва Савецкага раёна г. Мінска” працуе літаратурны клуб МГА СПБ “Азарэнне”. Яго ўдзельнікаў і гасцей аб’ядноўвае сапраўдная любоў да паэзіі, прозы, музыкі і выяўленчага мастацтва. Вельмі разнастайныя, такія непадобныя адна на адну літаратурныя вечарыны спачатку праводзіліся на базе самога Тэрытарыяльнага цэнтра, але апошнім часам іх домам стала бібліятэка-філіял № 5. Актыўны ўдзел у жыцці клуба ўсіх яго членаў, пачынаючы з супрацоўнікаў бібліятэкі і арганізатараў і заканчваючы гасцямі мерапрыемстваў, робіць штомесячныя сустрэчы клуба яскравымі і запамінальнымі. Але, безумоўна, немалаважнае значэнне гэтаму працэсу надаюць самі ўдзельнікі літаратурнага аб’яднання – яркія, творчыя асобы, здольныя праявіць сябе ў самых розных жанрах літаратуры і мастацтва.
З упэўненасцю магу сказаць, што мне неверагодна пашанцавала пазнаёміцца з гэтымі людзьмі і ўвайсці ў іх літаратурную сям’ю!
Кіраўнік клуба Кацярына Стройлава
Больше новостей читайте в нашем телеграм-канале Союз писателей Беларуси