25.01.2026 Новости
22 студзеня адбылося традыцыйнае для навучэнцаў старэйшых класаў сярэдняй школы № 26 імя Зіновія Калабанава Маскоўскага раёна сталіцы культурна-асветніцкае мерапрыемства ў рамках "Тыдня рускай мовы і рускай літаратуры". Госцем творчай сустрэчы стала член Саюза пісьменнікаў Беларусі, журналіст, публіцыст Ірына Бурак.
У рамках штогадовага праекта сваю творчасць паспелі прадэманстраваць нямала літаратараў Мінскага гарадскога аддзялення Саюза пісьменнікаў Беларусі. На гэтай сустрэчы была прадстаўлена кніга "100+ інтэрв'ю з зоркамі мастацтва і культуры", якая выйшла ў свет у новым годзе. Аўтар Ірына Бурак пазнаёміла аўдыторыю з апублікаванымі на старонках літаратурна-мастацкай складанкі цікавых гутарак з вядомымі ў нашай краіне і краінах СНД народнымі пісьменнікамі, мастакамі, артыстамі, грамадскімі дзеячамі.
У раздзеле “Культура – душа нацыі” кнігі прадстаўлены інтэрв'ю з народным пісьменнікам Беларусі Мікалаем Чаргінцом, заслужаным дзеячам культуры Рэспублікі Беларусь Міхаілам Пазняковым, беларускім пісьменнікам-франтавіком Алесем Савіцкім, паэтам генерал-маёрам у адстаўцы Іванам Юркіным, воінам-інтэрнацыяналістам паэтам Рыгорам Сакалоўскім, вядомай беларускай паэткай, публіцыстам, перакладчыкам Валянцінай Паліканінай…
Самі за сябе кажуць іншыя раздзелы гэтага зборніка: "Сучасны тэатр павінен быць сумленным", "Быць мастаком ‒ значыць, верыць у жыццё", "Добры фільм ‒ крыніца натхнення", "Музыка і мастацтва натхняюць увесь свет". Творчую атмасферу сустрэчы са школьнікамі гарманічна дапоўнілі цудоўным выкананнем папулярных песень розных гадоў вядомыя ў Беларусі музыканты, барды, педагогі Палаца дзяцей і моладзі Інэса Кароль і Сяргей Антонаў.
Пасля завяршэння мерапрыемства, арганізаванага Мінскім гарадскім аддзяленнем Саюза пісьменнікаў Беларусі і кіраўніцтвам школы ў асобе загадчыцы бібліятэкі Тамары Антончык, госці і навучэнцы сфатаграфаваліся на памяць. Кніга "100+ інтэрв'ю з зоркамі мастацтва і культуры" знайшла сваё месца на кніжнай паліцы вялікай школьнай бібліятэкі.
Ірына Ласка, фота прадастаўлена школай №26
Больше новостей читайте в нашем телеграм-канале Союз писателей Беларуси