Саюз пісьменнікаў папоўніўся васьмю літаратарамі


Саюз пісьменнікаў папоўніўся васьмю літаратарамі

18.03.2017                       Новости 


На чарговым пасяджэнні Прэзідыума СПБ, які адбыўся 16 сакавіка, былі абмеркаваны актуальныя пытанні жыццядзейнасці не толькі пісьменніцкай арганізацыі, але і краіны.

Так, па першым з іх – “Заява Саюза пісьменнікаў Беларусі” - далажыў Мікалай Іванавіч Чаргінец. Тэкст заявы – таксама на сайце.

Другое пытанне – “Ход выканання мерапрыемстваў, прысвечаных 500-годдзю беларускага кнігадрукавання”. Па ім далажылі першы намеснік старшыні СПБ Алена Стэльмах і намеснік старшыні Анатоль Крэйдзіч. Гэтая даволі абшырная тэма знайшла і будзе надалей знаходзіць сваё адлюстраванне ў шматлікіх публікацыях у друкаваных сродках масавай інфармацыі, перадачах электронных СМІ. Сачыць за працэсам і ўдзельнічаць у мерапрыемствах, у тым ліку ў абвешчаным СПБ літконкурсе “Скарынавай душой узлашчанае слова”, можа і абавязаны кожны член Саюза.

На пасяджэнні прэзідыума таксама былі зацверджаны старшыні і саставы 11-ці дзеючых секцый СПБ, якія займаюцца пытаннямі прыёму ў Саюз пісьменнікаў.

Найбольшай эмацыянальнасцю вызначылася апошняе па ліку пытанне павесткі: “Прыняцце ў Саюз пісьменнікаў Беларусі”. Гэтым разам творчая суполка папоўнілася васьмю літаратарамі. Гэта Максім Кішчанка, Наталля Цвірко, Валерый Квілорыя, Таццяна Кудраўцава (Дамаронак), Ірына Радзіхоўская, Валерый Касаткін, Анатоль Бярнацкі, Ганна Ціханава. 

Прэс-служба СПБ