04.09.2026 Новости
Адбылася літаратурная сустрэча Галіны Загурскай са старшакласнікамі СШ № 8 г. Полацка, прысвечаная Дню ведаў.
На пачатку сустрэчы выкладчыца беларускай мовы і літаратуры Т. У. Пазняк прадставіла госцю і распавяла пра значэнне ведаў для далейшага эканамічнага росквіту нашай краіны. Пасля яна больш грунтоўна расказала пра творчы шлях Галіны Загурскай і прадставіла ёй слова.
Галіна Загурская падтрымала думкі выкладчыцы пра значэнне грунтоўнай адукацыі ў век высокіх тэхналогій, а затым асвяціла другую старану грамадскага жыцця – значэнне культуры і, у прыватнасці, літаратуры для духоўнага развіцця грамадства.
Натхнёна гучалі вершы пра нашу мову, пра народ Беларусі, філасофскія разважанні пра жыццё ўвогуле і пра высокае пачуццё – каханне. Па ўсёй бачнасці – вершы адгукнуліся ў душах навучэнцаў.
Галіна Загурская падарыла бібліятэцы школы тры асобнікі зборніка з серыі “Бібліятэка паэзіі” пад назвай “Родны край – наша сонца”, у які ўвайшлі творы трох паэтэс Віцебшчыны: Еўдакіі Лось, Веры Вярбы і Галіны Загурскай.
Настаўніца і навучэнцы шчыра дзякавалі паэтэсе за цікавую сустрэчу.
Віцебскае абласное аддзяленне
ГА “Саюз пісьменнікаў Беларусі”
Больше новостей читайте в нашем телеграм-канале Союз писателей Беларуси