30.03.2026 Новости
У завяршальныя дні выстаўкі-кірмашу на галоўнай сцэне свята адбылася літаратурна-музычная імпрэза Мінскага абласнога аддзялення СПБ “Літаратурныя хвалі гісторыі”, прымеркаваная 35-годдзю Садружнасці незалежных дзяржаў. Прайшла прэзентацыя новага калектыўнага паэтычнага зборніка “Чарнобыльскія саракавіны” да 40-годдзя аварыі на ЧАЭС.
Вядучым быў старшыня аддзялення Леанід Крыванос, які расказаў аб сацыяльнай значнасці дадзенага праекта. З кранальнай песняй, напісанай на словы Леаніда Крываноса, выступіла барысаўская паэтэса і бард Марына Лайкова разам з удзельнікамі літаб’яднання “Актава”. Свае вершы, змешчаныя ў кнізе, чытала паэтэса з Клецку Галіна Нупрэйчык, паэтэса з Мінскага раёна Ірына Карнаухава, паэтэса і дзіцячая пісьменніца Лёля Багдановіч, паэт Рагнед Малахоўскі, паэтэса і дзіцячая пісьменніца з Уздзенскага раёна Галіна Нічыпаровіч.
Напрыканцы мерапрымства яго ўдзельнікі падарылі гасцям імпрэзы па экземпляры кнігі.
Прэс-служба МАА СПБ
Больше новостей читайте в нашем телеграм-канале Союз писателей Беларуси