27.03.2026 Новости
Член Саюза пісьменнікаў Беларусі Васіль Казачок сустрэўся з педагогамі і навучэнцамі Столінскага дзяржаўнага аграрнага каледжа ў рамках Сусветнага Дня паэзіі. Падчас імпрэзы паэт расказаў пра сябе, прэзентаваў новы паэтычны зборнік «Мая малітва», прачытаў свае вершы, адказаў на пытанні прысутных.
У новую кнігу Васіля Казачка «Мая малітва», якая пабачыла свет у выдавецтве «Чатыры чвэрці», увайшлі вершы, створаныя паэтам у 2023--2025 гадах. Гэта праца цудоўнага майстра слова, які бачыць незвычайнае хараство ў звычайным наваколлі. Яго паэзія прасякнута глыбокай любоўю: да людзей, да роднай прыроды, да жыцця ва ўсіх яго праявах.
Па інфармацыі Брэсцкага абласнога аддзялення
Саюза пісьменнікаў Беларусі
Больше новостей читайте в нашем телеграм-канале Союз писателей Беларуси