25.03.2026 Новости
Брэсцкае абласное аддзяленне Саюза пісьменнікаў Беларусі у рамках ХХХШ Мінскай міжнароднай кніжнай выставы-кірмаша на галоўнай сцэне свята прадставіла праграму пад назвай «Любоўю, думкай, сэрцам і душой».
Свае творы, кніжныя навінкі прадставілі пісьменнікаў-берасцейцы — Аксана Валуй, Васіль Барысюк, Анатоль Брытун, Ірына Фаміна, Анатоль Бензярук, Наталля Кандрашук, Святлана Сцепанчук, Васіль Казачок.
Прыемна, што да кніжнага форума далучыліся і маладыя аўтары — Марыя Наумчык, Алксандра Кароль і Яўгенія Пракапчук з Ганцавічаў.
На дзіцячай пляцоўцы плённа папрацавалі пісьменніцы Таццяны Дземідовіч, Наталля Андрасюк, Наталля Кандрашук.
Лаўрэат абласной літаратурнай прэміі Брэсцкага аблвыканкама імя Ул. Калесніка Аксана Валуй правяла кранальную прэзентацыю сваёй новай кнігі «Жар-птица» на пляцоўцы Беларускага саюза жанчын.
На працягу пяці дзён брэсцкія пісьменнікі вельмі актыўна наведвалі сустрэчы, форумы, мерапрыемствы ХХХШ Мінскай міжнароднай кніжнай выставы-кірмаша. Старшыня Брэсцкага абласнога аддзялення Саюза пісьменнікаў Беларусі Таццяна Дземідовіч пабывала на міжнародным сімпозіуме «Пісьменнік і час», яркім уражаннем для Ірыны Фаміной і Яўгеніі Пракапчук сталі выступленні ў паэтычным аўтобусе.
Дарэчы, на працягу ўсіх дзён праходзілі аўограф-сесіі, індывідуальныя прэзентацыі брэсцкіх пісьменнікаў у павільёне Брэсцкай вобласці.
У наведвальнікаў выставы была магчымасць пагуляць ў інтэлектуальна-краязнаўчыя гульні, якія ладзілі супрацоўнікі Брэсцкай абласной бібліятэкі імя М.Горкага, пазнаёміцца з выцінанкамі Народнага майстра Беларусі Наталлі Кулецкай з Івацэвіччыны, вырабамі паэта-ганчара з в.Гарадная Столінскага раёна Васіля Казачка, выставай кніг, прысвечаных гісторыі і сучаснасці Брэстчыны, ды паўдзельнічаць у віктарынах, інтэрактыўных гульнях ад пісьменнікаў Брэсцкага абласнога аддзялення.
Прыемным момантам сталі і ўзнагароды, звязаныя з Брэстчынай і творчасцю нашых пісьменнікаў. Так, у намінацыі «Духоўнасць» рэспубліканскага конурсу «Мастацтва кнігі» выдавецкі дом «Вечерний Гомель-Медиа» заняў другое месца за выданне кнігі Таццяны Канапацкай «Будь же навеки ты с миром повенчана, край православный – моя Лунинетчина», якая выдадзена ў друкарні «ЮСТМАЖ».
У рамках XXXIII Мінскай міжнароднай кніжнай выстаўкі-кірмаша пры ўдзеле Патрыяршага экзарха ўсяе Беларусі, мітрапаліта Мінскага і Заслаўскага Веніяміна і першага намесніка старшыні Саюза пісьменнікаў Беларусі Алены Стэльмах, адбылося ўзнагароджанне ганаровымі граматамі грамадскага савета па маральнасці за працу па захаванню каштоўнасцяў і традыцый беларускага народа. Сярод узнагароджаных — дырэктар ДУК «Цэнтралізаваная біліятэчная сістэма Баранавічы» Таццяна Рудкоўская і начальнік аддзела культуры Баранавіцкага райвыканкама Таццяна Лайша. Сардэчна віншуем!
Па інфармацыі Брэсцкага абласнога аддзялення
Саюза пісьменнікаў Беларусі
Больше новостей читайте в нашем телеграм-канале Союз писателей Беларуси