З дзясятага лютага 2018 года стартуе новы абласны літаратурны конкурс “Духоўная веліч”. Запрашаем да ўдзелу пісьменнікаў.
Конкурс арганізаваны галоўным упраўленнем ідэалагічнай работы, культуры і па справах моладзі Брэсцкага аблвыканкама, Брэсцкім абласным аддзяленнем грамадскага аб’яднання “Саюз пісьменнікаў Беларусі” сумесна з Брэсцкай і Пінскай епархіямі Беларускай праваслаўнай царквы. Творы прымаюцца да 10 красавіка 2018 па чатырох намінацыях: “паэзія”, “мастацкая проза”, “публіцыстыка”, “літаратура для дзяцей”.
Конкурс праводзіцца з мэтай выяўлення і папулярызацыі лепшых твораў пісьменнікаў Брэстчыны, якія зберагаюць духоўна-маральную культуру рэгіёна, спрыяюць выхаванню, у тым ліку і ў моладзі, духоўнасці, патрыятызму, адлюстроўваюць імкненні да высокіх ідэалаў дабрыні і справядлівасці.
Конкурсныя творы павінны быць прадстаўлены асобнымі кнігамі альбо публікацыямі ў рэспубліканскіх і міжнародных літаратурных друкаваных перыядычных выданнях, выдадзеных на працягу трох гадоў да часу абвяшчэння творчых спаборніцтв. У кожнай намінацыі можа быць толькі адзін пераможца.
Да ўдзелу ў конкурсе аўтар на адрас аргкамітэту дасылае наступныя матэрыялы:
кароткая творчая і жыццёвая біяграфія,
кніжнае выданне ці публікацыя ў часопісе ў двух экзэмплярах.
кантактныя тэлефоны, адрас.
Цырымонія ўзнагароджання пераможцаў конкурса “Духоўная веліч” адбудзецца ў дзень святкавання Дня славянскай пісьменнасці і культуры, які адзначаецца штогод 24 мая.
Кантакты:
тел.+375 162-50-54-24
тел.+375 33 318-15-89
E-mail: tatiana.demidovich@gmail.com
Больше новостей читайте в нашем телеграм-канале Союз писателей Беларуси