11.02.2023 Новости
Палажэнне
аб Рэспубліканскім паэтычным конкурсе імя Міколы Мятліцкага сярод маладых паэтаў
- Конкурс праводзіцца Саюзам пісьменнікаў Беларусі, прысвячаецца вядомаму паэту, лаўрэату Дзяржаўнай прэміі імя Янкі Купалы, заслужанаму дзеячу культуры Беларусі Мікалаю Міхайлавічу Мятліцкаму, з’яўляецца штогоднім і прымеркаваны да Рэспубліканскага фестывалю нацыянальнай песні і паэзіі.
- У конкурсе могуць прымаць удзел маладыя паэты ва ўзросце да 40 гадоў, якія дасылаюць свае не больш як тры вершы на беларускай мове.
- Тэматыка вершаў – самая розная: Радзіма, родны край, мір, сяброўства,стваральная праца, маці, прырода, супрацоўніцтва, каханне.
- Творы дасылаюцца на адрас: 220034, г.Мінск, вул.Фрунзэ,5. Саюз пісьменнікаў Беларусі або на электронны адрас:oo-spb@tut.by ( з пазнакай – на конкурс імя Міколы Мятліцкага).
- Канкурсанты ўказваюць сваё прозвішча, імя і імя па бацьку, дату нараджэння, адрас, тэлефоны для сувязі.
- Творы прымаюцца да 10 мая бягучага года.
- Урачыстае падвядзенне вынікаў конкурсу адбудзецца ў чэрвені на Рэспубліканскім фестывалі нацыянальнай песні і паэзіі ў г.Маладзечна, дзе лаўрэаты атрымаюць права выступіць са сваімі вершамі.
Саюз пісьменнікаў Беларусі
Больше новостей читайте в нашем телеграм-канале Союз писателей Беларуси