“Юбілейны вечар” - святочны канцэрт да 45-годдзя Маскоўскага раёна ў бібліятэцы №22


“Юбілейны вечар” - святочны канцэрт да 45-годдзя Маскоўскага раёна ў бібліятэцы №22

11.05.2022                                                          Новости


У літаратурным клубе МГА СПБ “Шчырасць” пры публічнай бібліятэцы №22 адбыўся святочны канцэрт, прысвечаны 45-годдзю Маскоўскага раёна. На мерапрыемства сабраліся пастаянныя ўдзельнікі клуба і чытачы кніжніцы. Ганаровымі гасцямі  былі: вядомы беларускі пісьменнік і паэт, старшыня Мінскага гарадскога адзялення Саюза пісьменнікаў Беларусі, кіраўнік клуба “Шчырасць” Міхась Пазнякоў; паэтка, бард, выканаўца, член Саюза пісьменнікаў Беларусі і Расіі Людміла Воранава (Супрун); артыстка эстрады, мастацкі кіраўнік Тэатра паэзіі Вольга Багушыньска; спявачка Наталля Хадкевіч.

 

 

Шчырымі, цёплымі словамі і сваімі вершамі Міхась Пазнякоў павіншаваў прысутных, а таксама прадставіў удзельнікаў канцэрта.  Прагучалі вершы Міхася Пазнякова пра малую Радзіму, пра Беларусь са зборнікаў “Заброддзе”, “Святое правіла…”.

 

 

Вольга Багушыньска яскрава прадэкламавала вершы Анатоля Аўруціна, Міхася Пазнякова, Хізры Асадулаева і інш. Людміла Воранава зачытвала вершы са зборніка “Проникновенна праведная грусть”, выканала пад гітару некалькі песень на свае вершы і Міхася Пазнякова з кнігі “Наталенне Радзімай”. Цудоўна гучаў акадэмічны голас Наталлі Хадкевіч.

 

 

Усе ўдзельнікі вечарыны з цікавасцю прагледзелі мультымедыйную прэзентацыю, у якой былі адлюстраваны разнастайныя значныя аб’екты і месцы Маскоўскага раёна.

 

Вечарына прайшла на адным дыханні дзякуючы добрай і шчырай атмасферы, што панавала ў зале бібліятэкі.

 

Загадчык бібліятэкі              Каржанеўская А.М.