Віншуем з юбілеем!


Віншуем з юбілеем!

01.01.2019                                            Слово писателю


1 студзеня святкуе свой юбілей Уладзімір Яўгенавіч Ягорычаў.

Дарагі Уладзімір Яўгенавіч! 

Прыміце нашы сардэчныя віншаванні з 70-годдзем.

Ведаючы Вас як вернага сябра і саратніка, як палымянага грамадскага трыбуна і самаадданага змагара за гістарычную праўду, мы таксама натхняемся Вашым творчым запалам прамоўцы, мудрасцю педагога, прафесіяналізмам навукоўца. Побач з Вамі хочацца пераймаць Вашыя энергічнасць і незалежнасць, высакароднасць і пачуццё гумару, спагадлівасць і абаянне. Вы хутчэй змірыцеся з амплуа нязручнага чалавека, але з крывадушнасцю і абыякавасцю – ніколі.

Жадаем Вам не звяртаць увагі на гады і заўсёды заставацца верным сваім ідэалам. Здароўя Вам, сямейнага дабрабыту і поспехаў у прафесійнай, навуковай і творчай сферах, а Ваша публіцыстыка няхай па-ранейшаму нястомна бударажыць свядомасць чытачоў і сумленне сапраўдных патрыётаў. З ЮБІЛЕЕМ! 

Ад iмя Саюза пісьменнікаў Беларусі

калектыў Гродзенскага абласнога аддзялення СПБ